Hættustig er enn í gildi fyrir Útkinn vegna úrkomu og aurskriðuhættu. Verður vegurinn út eftir lokaður til morguns fyrir almennri umferð. Þetta kemur fram í tilkynningu frá almannavörnum.

Í kvöld og nótt á að rigna á svæðinu, en úrkoman verður hins vegar minni en spáð var í fyrstu samkvæmt upplýsingum frá Veðurstofu Íslands. 

Þrátt fyrir lokun vegarins verður íbúum á svæðinu heimilt að dvelja á heimilum sínum, en þurfi þeir að fara um veginn er æskilegt að gera það í björtu.

Íbúar eru hvattir til að hafa samband við lögregluna ef þeir verða áskynja um einhverjar breytingar í hlíðunum eða sjá nýjar skriður falla. Staðan verður endurmetin í fyrramálið.

Tengdar fréttir

Mikil úrkoma og skriðuhætta á Norðurlandi

Fella niður óvissustig í Útkinn

• „Það er greinilega vakað yfir okkur“
• Miklar og breiðar skriður í Kinnarfjöllum
• Rýmingu aflétt í Út-Kinn í Þingeyjarsveit
• Skriðuhætta minni en áfram hættustig

» Fleiri tengdar fréttir

• Blogga um frétt