Lisa Murkowski, öldungadeildarþingmaður Alaska í Bandaríkjaþingi, segir ástæðu til að brýna fyrir ríkisstjórn Joe Biden forseta mikilvægi fríverslunarsamning Bandaríkjanna við Ísland sem lið í breyttri Norðurslóðastefnu. Þetta sagði hún á fundi Arctic Circle í Hörpu í dag. Þá sagði hún jafnframt að vakin hafi verið athygli Biden stjórnarinnar á þessu.

Murkowski sagði áhuga Bandaríkjanna á Norðurslóðum hafa vaxið mikið á undanförnum árum og að það muni halda áfram að þróast í þá átt á komandi árum. „Áhugi bandaríkjanna á norðurslóðum hefur breyst algerlega frá því að við hófum þessa vegferð,“ sagði hún og vísaði til upphaf Arctic Circle ráðstefnunnar, en Murkowski hefur sótt hana frá upphafi.

Lisa Murkowski. AFP

„Flestir áttuðu sig ekki á að Bandaríkin sé norðurslóðaríki  og á það við embættismenn, stjórnmálamenn og almenning,“ sagði Murkowksi sem útskýrði að sú staða væri nú breytt. Það sjáist í auknum fjárfestingum í ísbrjótum, innviðum og rannsóknum.

Fréttin var uppfærð 14:04

Tengdar fréttir

Arctic Circle 2021

Ólafur Ragnar: „Fullkomin einkunn!“

• Engin smit á meðal 1.400 gesta
• Segir að Íslendingar eigi að líta stórt á sig
• Mótmælt fyrir utan Hörpu
• Hafa tekið 1.500 sýni í Hörpu

» Fleiri tengdar fréttir

• Blogga um frétt