Drífa Snædal, forseti ASÍ, segir að við séum stödd á ögurstundu þegar kemur að lífskjörum almennings. Núna sé tímapunktur þar sem teknar eru afdrifaríkustu ákvarðanirnar í kjölfar Covid-kreppunnar.

„Hrávöruverð í heiminum fer hækkandi og dregið hefur úr framleiðslu ýmissa vara vegna sóttvarnaraðgerða. Við erum því stödd á ögurstundu. Vöruverð, verðbólga og vaxtahækkanir geta haft afdrifaríkar afleiðingar á kjör almennings og gert það að verkum að launahækkanir framundan haldi ekki í við kaupmátt. Við það verður ekki unað og spjótin standa nú á stjórnvöldum að draga úr áhrifum á almenning,“ segir Drífa í vikulegum pistli sínum.

Drífa segir meðal annars mikilvægt að stemma stigu við verðbólgu og dýrtíð. Einnig þurfi að krefjast þess að verðmætin sem skapist í framleiðslunni verði til hagsbóta fyrir samfélagið í gegnum sanngjarna skatta og auðlindagjöld.

„Um þetta hljóta stjórnarmyndunarviðræðurnar að fjalla um þessar mundir, enda um undirstöðu lífskjara næstu missera að ræða,“ segir hún.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt