Þrjú ár fyrir hótun með byssu á kaffistofu Samhjálpar

Maðurinn sem var hand­tek­inn af sér­sveit lög­reglu í lok júní eft­ir að hafa ógnað fólki við kaffi­stofu Sam­hjálp­ar með byssu var dæmdur í þriggja ára fangelsi í síðustu viku. Þetta staðfestir Friðrik Smári Björgvinsson aðstoðarsaksóknari í samtali við mbl.is.

Frétt af mbl.is

Maður með skotvopn á Sæbraut

Frétt af mbl.is

Byssumaðurinn í 4 vikna gæsluvarðhald

Tókst ekki að sanna að byssan hefði verið hlaðin

Staðfestir hann að maðurinn hafi verið sakfelldur fyrir að hafa hótað almenningi, lögreglumönnum og tveimur karlmönnum á kaffistofu Samhjálpar með óhlaðinni skammbyssu.

Þegar maðurinn var handtekinn í sumar var byssan sem hann bar hlaðin. Fyrir dómi hélt hann því fram að hann hafi hlaðið byssuna skömmu fyrir handtökuna og tókst ákæruvaldinu ekki að sanna að byssan hefði verið hlaðin þegar hann ógnaði fólki með henni.

Neitaði hann að hafa beint byssunni að lögreglumönnum og almennum borgurum. Hann hins vegar játaði að hafa beint henni að einum mannanna á kaffistofu Samhjálpar, sem honum var gefin sök fyrir, en hafnaði að hafa beint henni að hinum manninum sem var Þráinn Farestveit, fram­kvæmda­stjóri Vernd­ar áfanga­heim­il­is fyr­ir fanga. 

Þráinn ræddi atvikið við blaðamann mbl.is í sumar. 

Frétt af mbl.is

Byssumaðurinn mættur til markvissra aðgerða

Sviptur ökuréttindum

Dómurinn komst einnig að þeirri niðurstöðu að svipta manninn ökuréttindum ævilangt vegna brota á umferðalögum og fíkniefnalögum fyrir að hafa keyrt undir áhrifum fíkniefna. Hann játaði brotin.

Maðurinn hefur sex sinnum hlotið dóm fyrir ýmis brot gegn umferðarlögum, fíkniefnalögum, tollalögum og almennum hegningarlögum.

Í apríl var hann einnig hand­tek­inn fyr­ir hnífs­árás á veit­ingastaðnum Sus­hi Social en hann var ekki ákærður fyrir þá árás.

Frétt af mbl.is

Árásin á Sushi Social – myndskeið

• Blogga um frétt