Eiríkur hjá Omega áfrýjar dómi fyrir skattsvik

Ei­rík­ur Sig­ur­björns­son, stofn­andi Omega og sjón­varps­pre­dik­ari á sam­nefndri stöð hefur áfrýjað til Landsréttar dómi héraðsdóms sem dæmdi hann í tíu mánaða skilorðsbundið fangelsi og til að greiða 109 milljónir í sekt vegna brota á skattalögum. Þetta má sjá í áfrýjunarskrá Landsréttar.

Var Ei­rík­ur dæmd­ur fyr­ir að hafa ekki gefið upp tekj­ur upp á 78,5 millj­ón­ir á ár­un­um 2011-2016 í tengsl­um við starf­semi Omega og þannig kom­ist hjá því að greiða skatta upp á 36 millj­ón­ir.

Frétt af mbl.is

Eiríkur hjá Omega dæmdur fyrir tugmilljóna skattabrot

Rík­is­skatt­stjóri hóf árið 2016 af eig­in frum­kvæði skoðun á notk­un á er­lend­um greiðslu­kort­um hér á landi. Í framhaldinu var notkun Eiríks á kortum í nafni dótturfélags Omega í Noregi tekin til skoðunar og var hann ákærður vegna málsins.

Var hann fundinn sekur um að hafa ekki gefið upp sem laun greiðslur frá norska dótturfélaginu til sín. Voru greiðslurnar færðar sem lán, en slíkar lánagreiðslur eru þess utan óheimilar til eigenda einkahlutafélaga samkvæmt ákvæðum laga um einkahlutafélög.

Eiríkur var dæmd­ur til greiðslu þre­faldr­ar þeirr­ar upp­hæðar sem hann var fund­inn sek­ur um að hafa kom­ist hjá að greiða, eða sam­tals 109 millj­ón­ir.

• Blogga um frétt