„Ég held að ráðstefnan verði kærkomið tækifæri fyrir þjóðir heims að láta til sín taka og skýra frá því hvernig sé hægt að ná árangri,“ segir Sig­urður Ingi Jó­hanns­son, sam­göngu- og sveit­ar­stjórn­ar­ráðherra, í samtali við mbl.is en hann og Katrín Jakobsdóttir forsætisráðherra fara á lofts­lags­ráðstefn­u Sam­einuðu þjóðanna (COP26) sem hefst formlega í Glasgow á mánudag.

Frétt af mbl.is

Fyrsti uppgjörstími Parísarsamkomulagsins

Um 100 leiðtogar heims munu koma saman á ráðstefnunni en þetta er í 26. sinn sem Sameinuðu þjóðirnar halda slíka loftslagsráðstefnu.

Sigurður Ingi segir að Ísland geti verið fyrirmynd fyrir mörg önnur ríki þegar kemur að loftslagsmálum og nefnir sérstaklega hversu hátt hlutfall orku hérlendis er endurnýjanleg. „Ég heyri það í aðdraganda þessarar ráðstefnu að það er þannig fjallað um Ísland í fjölmiðlum.“

Hann segist vera vongóður um að ráðstefnan muni leiða til góðs. „Ég held að það skilji það allir að menn þurfi að fara, meðal annars að fyrirmynd okkar, að efla sig hvað varðar endurnýjanlega orku, hætta að brenna kolum og fara í þessi orkuskipti eins og við erum að gera að fullum krafti.“

Tengdar fréttir

Loftslagsráðstefnan COP26

Loftslagsfundur Festu og Reykjavíkurborgar

• Súrsæt niðurstaða COP26
• Aðild að bandalagi gegn olíuvinnslu verið rædd
• Uppþot á blaðamannafundi: „COP26 misheppnaðist“
• Indland og Kína þurfi að svara fyrir sig

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Íslenskt dygðaskraut til Glasgow