„Nettóstaðan sú sama“
Setja bókamerki
Enn liggur einn í öndunarvél á Landspítala vegna Covid-19 smits og fjöldi þeirra sem liggur inni á gjörgæslu helst sá sami, eða fjórir. Þetta staðfestir Már Kristjánsson, yfirlæknir á Covid-19-göngudeild spítalans, í samtali við mbl.is.
Már segir þá að tveir hafi losnað út af gjörgæslu í gær en þá hafi tveir aðrir einstaklingar lagst inn í staðinn. „Nettóstaðan helst því sú sama,“ segir Már.
Farsóttarnefnd Landspítalans, sem Már fer með formennsku í, sendi í gær frá sér tilkynningu þar sem viðraðar voru áhyggjur af fjölda smita í samfélaginu og þeim innlögnum sem þeim fylgja. Þar var bent á að „nýlegar afléttingar mildra og skynsamlegra sóttvarnaaðgerða hafi ekki reynst vel, hvorki á Íslandi né annars staðar“.
Hvort verður af fullri afléttingu takmarkana þann 18. nóvember verður að teljast ólíklegra með hverjum deginum sem líður.
„Við vöknuðum við hljóð frá sprengingum“
Formaðurinn útilokar ekki undirritun í kvöld
Létu lofthræðsluna ekki á sig fá
Heimildarmenn tala um hápólitískt drama
Hvatti kjósendur til þess að greiða ógild atkvæði
Fæðuöryggi: „Áttum mat í þrjár vikur“
Ekki hægt að slá gosið út af borðinu strax