Umferð mögulega beint um Oddskarðsgöng

Til greina kemur að beina umferð um Oddskarðsgöng eftir að steypa hrundi úr loftinu á Norðfjarðargöngum í morgun.

„Það er verið að skoða það,“ segir G. Pétur Matthíasson, upplýsingafulltrúi Vegagerðarinnar.

Frétt af mbl.is

Hrundi úr loftinu á Norðfjarðargöngum

Hann segir að einhvern tíma í viðbót gæti tekið að lagfæra Norðfjarðargöng. „Það þarf að losa það sem er laust og setja nýja sprautusteypu með boltum og neti til að halda öllu eins og það á að vera.“

Spurður segir hann ekki rétt að vörubíll hafi rekist í loftið, eins og blaðamanni hafði borist til eyrna.

Norðfjarðargöng komu í stað Oddskarðsganga, sem eru einbreið, árið 2017. 

Uppfært kl. 15.53:

Fram kemur í færslu lögreglunnar á Austurlandi á Facebook að hugsanlega verði umferð hleypt á aðra akreinina í Norðfjarðargöngum. 

Uppfært kl. 16.09:

Vegurinn um Oddskarðsgöng verður opnaður von bráðar, að sögn Vegagerðarinnar.

• Blogga um frétt