Koparslegið Hús íslenskunnar

Framkvæmdir við Hús íslenskunnar á Melunum eru í fullum gangi og byrjað er að klæða húsið að utan. Starfsmenn Ístaks unnu að því um helgina að setja koparklæðningu á suðurhluta hússins og tindraði hún í haustblíðunni.

Áfram verður unnið að framkvæmdum við húsið af fullum krafti og verklok eru áætluð sumarið 2023. Hús íslenskunnar mun hýsa fjölbreytta starfsemi Stofnunar Árna Magnússonar og íslenskudeild Háskólans.