Stærri bílum verður hleypt í gegn

Vegagerðin stefnir á að geta hleypt stærri bílum í gegnum Norðfjarðargöng á klukkutímafresti í stuttan tíma í senn síðar í dag.

G. Pétur Matthíasson, upplýsingafulltrúi Vegagerðarinnar, segir að þetta gæti gerst upp úr hádeginu.

Frétt af mbl.is

Umferð minni bíla beint um Oddskarðsgöng

Göngunum var lokað í gær eftir að steypa hrundi úr loftinu á göngunum. Í framhaldinu voru Oddskarðsgöng, sem eru einbreið, opnuð fyrir minni bíla.

Að sögn G. Péturs er hreinsunarstarf í gangi í Norðfjarðargöngum og verið að losa steypu úr loftinu á sama stað og hún losnaði í gær.

Frétt af mbl.is

Hrundi úr loftinu á Norðfjarðargöngum

Spurður hvenær Norðfjarðargöng verða opnuð að fullu á nýjan leik segist hann efast um að það náist í dag. „Við erum frekar að horfa á morgundaginn," segir hann. 

• Blogga um frétt