Skýra rammann í kringum sér- og framhaldsnám

Landsráð um mönnun og menntun í heilbrigðisþjónustu sá ýmsa vankanta á framkvæmd og utanumhald á framhalds og sérnámi innan heilbrigðisstofnana. Þar á meðal væru kröfur til nemenda ólíkar á milli faghópa og háskóla en líka mikill munur á stuðningi og þóknunum til þeirra sem sinna handleiðslu eða klínískri kennslu. 

Landsráðið vinnur nú að kortlagningu á því hve margar náms- og sérnámsstöður séu fyrir hendi inni á heilbrigðisstofunum. Þá féllst heilbrigðisráðuneytið á þá tillögu að fé til framhaldsnáms og sérnáms í heilbrigðisgreinum verði skilgreint sérstaklega sem hefur ekki verið hingað til. 

Frétt af mbl.is

Kandídatar heyra sögunni til

Vilja auka yfirsýn

„Heilbrigðisráðherra hefur samþykkt tillögur um verkefni og aðgerðir sem landsráð telur mikilvægt að ráðast í með það að markmiði að fá yfirsýn yfir fjölda einstaklinga í framhalds- og sérnámi í heilbrigðisgreinum, auka gegnsæi og samræmi þegar teknar eru ákvarðanir um fjármögnun og fjölda stöðugilda í einstökum sérgreinum og skapa tækifæri til að bregðast tímanlega við yfirvofandi skorti eða offramboði á stöðum,“ segir í tilkynningu um málið á vef Stjórnarráðs.  

Lengri tíma áætlun í þessum málaflokki gerir ráð fyrir því að innan tveggja ára verði fjöldi fjármagnaðra stöðugilda í sér- og framhaldsnámi ákveðinn árlega á miðlægum vettvangi og að fjármögnunin verði veitt í hlutfalli við námsstöður á hverri stofnun. 

• Blogga um frétt