Fimmtíu greindust smitaðir af kórónuveirunni á Akranesi í gær, að því er lögreglan á Vesturlandi greinir frá á Facebook. 109 manns eru í sóttkví. Vegna ástandsins verða allir skólar bæjarins lokaðir á morgun, samkvæmt frétt Skagafrétta.

25 voru í einangrun á Akranesi í gær en sú tala hefur nú hækkað í 75. 

Vegna smitfjöldans verður lágmarks starfsemi það sem eftir lifir dags á stofnunum Akranesbæjar. Þá eru foreldrar beðnir um að sækja börn sín um hádegið í dag ef það er þeim mögulegt. 

Þá verða eldri börn grunnskóla send heim um hádegið og íþróttaæfingar á vegum félaga ÍA falla niður í dag og fram yfir helgi. 

Frekari starfsemi raskast: þreksalurinn í Jaðarsbökkum er nú lokaður sem og móttaka einnota umbúða í Fjöliðjunni.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Jón Sævar Jónsson: Að hefta borgaraleg réttindi