Aðgerðastjórn Suðurnesjabæjar hefur ákveðið að leggja niður skólahald í skólunum Sólborg og Sandgerðisskóla fram yfir helgi, vegna smita sem greindust á meðal starfsfólks skólanna.

Þetta segir í tilkynningu frá bæjarfélaginu.

Leikskólinn mun vera lokaður á meðan smitrakning stendur yfir og þar til „tekist hefur að ná utan um ástandið“. Að auki mun skólahald í  Sandgerðisskóla falla niður á morgun, föstudag.

Aðrar stofnanir í Sandgerði sem verða lokaðar fram yfir helgi eru íþróttamiðstöðin, tónlistarskólinn, bókasafnið og mun félagsmiðstöðin Skýjaborg vera lokuð „þar til annað verður ákveðið“.

Staðan endurmetin í næstu viku

„Aðgerðastjórn vonast til að sem fæstir íbúar Suðurnesjabæjar verði fyrir barðinu á veirunni þessa dagana, en staðreyndin er sú að veiran er komin inn í samfélagið okkar og því er nauðsynlegt að beita aðgerðum.“

Þá verður staðan metin að nýju í upphafi næstu viku og eru íbúar Suðurnesjabæjar hvattir til að fylgjast með heimasíðu bæjarins sem og samfélagsmiðlum.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt