Verslunarkeðjan Krónan hefur brugðist við nýjum sóttvarnaráðstöfunum sem heilbrigðisráðherra tilkynnti um fyrir hádegi í dag. Verður grímuskylda á ný í verslunum Krónunnar, en þetta mun taka gildi á miðnætti.

Þá verður starfsfólki og viðskiptavinum skylt að huga að eins metra nálægðarmörkum.

Frétt af mbl.is

500 mega koma saman og afgreiðslutími styttur

Svandís Svavarsdóttir heilbrigðisráðherra tilkynnti um breytingar á sóttvarnarreglum eftir ríkisstjórnarfund í dag. Grímu­skylda verður tek­in upp á sitj­andi viðburðum og í versl­un­um og af­greiðslu­tími skemmti­staða stytt­ur um tvo klukku­tíma. Skal þeim lokað klukk­an ell­efu og síðasti maður kom­inn út klukk­an tólf. 

Í tilkynningu frá Krónunni kemur fram að samkomutakmarkanir muni ekki hafa áhrif á leyfilegan fjölda viðskiptavina í verslun hverju sinni og eru börn fædd eftir 2006 undanþegin grímuskyldu. 

Viðskiptavinir okkar og starfsfólk er orðið þaulvant að bera grímur í verslunum og treystum við því að auknar sóttvarnaaðgerðir geri sitt gagn,“ er haft eftir Ástu S.Fjeldsted, framkvæmdastjóra Krónunnar.   

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt