Snjókoma, slydda og rigning á morgun

Gul viðvörun vegna veðurs verður í gildi á höfuðborgarsvæðinu, Suðurlandi og Faxaflóa í nótt frá klukkan 2 og fram á hádegi á morgun, laugardag. Sömuleiðis verður gul viðvörun í gildi á Suðausturlandi frá átta í fyrramálið og fram á miðjan dag og á Miðhálendinu en hún tekur gildi snemma í fyrramálið og gildir fram á miðnætti á laugardagskvöld.

Hiti á landinu öllu verður á bilinu 0 til 6 stig.

Á höfuðborgarsvæðinu verður fyrst um sinn snjókoma eða slydda en síðar rigning og færð gæti orðið erfið í efri byggðum en spár gera ráð fyrir talsverðri úrkomu suðvestanlands í fyrramálið.

Í nágrenni höfuðborgarsvæðisins er spáin svipuð og gæti veður valdið samgöngutruflunum, til að mynda á Hellisheiði og Reykjanesbraut.

Spáin er ekkert sérstök. Ljósmynd/Veðurstofa Íslands

Á Suðausturlandi er gert ráð fyrir miklum vindi og getum vindur farið í 35-40 m/s í Öræfum og Mýrdal. Færð verður varasöm fyrir ökutæki sem taka mikinn vind á sig.

Í hugleiðingum veðurfræðings kemur fram að umhleypingasamt verði um helgina, smá hasar á morgun en víða hægviðri á sunnudag. Eftir helgi megi áfram gera ráð fyrir umhleypingum.

Veðurvefur mbl.is.

• Blogga um frétt