Heilbrigðisráðuneytið hefur óskað eftir fleirum á skrá í bakvarðasveit heilbrigðisþjónustunnar. Ástæðan er að fjöldi smita hefur verið á mikilli uppleið í samfélaginu undanfarnar vikur sem veldur auknu álagi á heilbrigðiskerfið. 

Óskað er eftir liðsinni heilbrigðisstarfsfólks sem er reiðubúið að koma tímabundið til starfa með skömmum fyrirvara, hvort sem er í fullt starf, hlutastarf eða tímavinnu, eftir því sem aðstæður leyfa. 

Þetta kemur fram í tilkynningu Stjórnarráðsins.

Laun taka mið af kjarasamningi eða stofnanasamningi viðkomandi stéttarfélags viðkomandi stofnun. 

Bakvarðasveitinni var komið á fót í upp hafi heimsfaraldurs þegar ljóst var að mikilvægar heilbrigðisstofnanir gætu lent í mönnunarvanda vegna veikindafjarvista starfsfólks eða fjarvista vegna sóttkvíar. „Nú hefur ákall borist frá Landspítala og fleiri heilbrigðisstofnunum sem þurfa á fólki að halda og því er þess farið á leit að heilbrigðisstarfsfólk sem hefur tök á að veita liðsinni skrái sig í bakvarðasveitina,“ segir í tilkynningunni. 

Hægt er að nálg­ast nán­ari upp­lýs­ing­ar um bakv­arðasveit­ina á skrán­ing­ar­form­inu á vefsíðu Stjórn­ar­ráðsins.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt