Fyrsti áfangi í stafrænu ökunámi klár

Umsókn um útgáfu fullnaðarskírteinis til ökuréttinda er nú orðið stafrænt og bætist þar með við að áður var hægt að fá rafrænt ökuskírteini. Á þetta að spara spor umsækjenda með gögn á milli stofnanda og frá ökukennara til hins opinbera.

Fyrr á árinu var greint frá því að ferlið allt ætti að verða stafrænt fyrir lok árs. Tek­ur það til um­sókna, öku­náms­bóka, upp­lýs­ingagátt­ar fyr­ir nem­end­ur og öku­kenn­ara, öku­skóla, prófa og út­gáfu öku­skír­teina.

Frétt af mbl.is

Ökunám stafrænt frá upphafi til enda

Með þessari breytingu geta ökukennarar skráð sig inn á island.is og staðfest að ökunemar hafa lokið akstursmati. Í framhaldinu getur ökunemi sótt um fullnaðarskírteini og ef ekki þarf að skila frekari gögnum er hægt að sækja skírteinið eftir þrjár vikur.

Í stafræna ferlinu eru persónuupplýsingar sóttar úr Þjóðskrá og ökuskírteinaskrá. Ef umsækjendur kjósa aðra mynd en þá sem er til í gagnagrunni eða þurfa að skila inn læknisvottorði þarf að skila þeim gögnum inn til sýslumanns áður en skírteinið er pantað. 

Þegar verkefnið um að gera allt ökunám stafrænt var því skipt í þrjá áfanga. Umsóknin var fyrsti áfangi, en í öðrum áfanga verður ra­f­ræn öku­náms­bók og teng­ing henn­ar við öku­nema, öku­kenn­ara, öku­skóla og alla þá aðila sem tengj­ast þess­um miðpunkti öku­náms­ins.

Þriðji og síðasti áfang­inn felst í að gera ferlið í kring­um próf­töku og út­gáfu skír­teina sta­f­rænt ásamt allri um­sýslu í kring­um það.

• Blogga um frétt