Annar ökumaðurinn alvarlega slasaður

Annar ökumaðurinn sem lenti í bílslysi á Moldhaugnahálsi í Eyjafirði rétt fyrir klukkan eitt í gær er töluvert slasaður. Þetta segir Arnfríður Gígja Arngrímsdóttir, aðstoðaryfirlögregluþjónn á Norðurlandi eystra, í samtali við mbl.is. 

Frétt af mbl.is

Alvarlegt umferðarslys á Moldhaugnahálsi

Þrennt var í bifreiðunum tveimur, einn ökumaður í annarri bifreiðinni og ökumaður og farþegi í hinni. Voru þau öll flutt á sjúkrahúsið á Akureyri, að því er greint frá í tilkynningu lögreglunnar á Norðurlandi eystra.

Ekki er hægt að segja neitt um tildrög slyssins á þessari stundu enda málið enn í rannsókn, segir Arnfríður innt eftir því.

„Ég get aðeins veitt þær upplýsingar að það urðu töluverð slys á fólki, sérstaklega á öðrum ökumanninum.“

Frekari upplýsingar um líðan fólksins liggi ekki fyrir, að sögn hennar.

• Blogga um frétt