Rakel hættir hjá RÚV

Rakel Þorbergsdóttir hefur ákveðið að láta af starfi fréttastjóra Ríkisútvarpsins um næstu áramót, en hún hefur gegnt því starfi frá í apríl 2014. Frá þessu er greint í tilkynningu frá RÚV. 

Starf fréttastjóra verður auglýst laust til umsóknar fljótlega á nýju ári. Heiðar Örn Sigurfinnsson varafréttastjóri gegnir starfi fréttastjóra frá því að Rakel lætur af störfum um áramótin og þar til nýr fréttastjóri hefur verið ráðinn.

Fram kemur í tilkynningunni að Rakel hafi unnið á fréttastofum RÚV í 22 ár. „Ákvörðun mín var því ekki auðveld, fréttastofan er frábær vinnustaður en það er öllum hollt að breyta til og takast á við nýjar áskoranir,“ er haft eftir henni. Segist Rakel kveðja félaga sína með söknuði.

• 1 blogg um fréttina

Bloggað um fréttina

• Páll Vilhjálmsson: Lögreglurannsókn á RÚV