Lýsa upp Skagafjörðinn fyrir Erlu Björk

Nemendafélag Fjölbrautaskóla Norðurlands vestra stendur í kvöld fyrir viðburðinum: Látum Skagafjörðinn lýsa fyrir Erlu Björk. Þar eru Skagfirðingar hvattir til að kveikja á útikerti í minningu Erlu Bjarkar Helgadóttur sem lést skyndilega 2. nóvember síðastliðinn.

Erla Björk lætur eftir sig eiginmann og fjögur börn, en hún hefði orðið fertug í dag, 10. nóvember. 

Sonur hennar stundar nám í fjölbrautaskólanum en nemendafélagið hefur einnig sett fram kassa og blöð í skólanum þar sem hægt er að skrifa kveðjur til hans og fjölskyldunnar.

Nemendafélagið hvetur alla Skagfirðinga til að taka þátt í viðburðinum og setja út kerti til að minnast Erlu Bjarkar klukkan 20 í kvöld. 

Frekari upplýsingar um viðburðinn má finna hér.

• Blogga um frétt