„Við erum farin að svipast um eftir auknu plássi,“ segir Gylfi Þór Þor­steins­son, for­stöðumaður far­sótt­ar­húsa Rauða kross­ins. Farsóttarhús í Reykjavík og á Akureyri eru nánast full af fólki í einangrun og komast færri að en vilja. Vegna mikils fjölda smita undanfarna daga er stefnt að því að opna annað hús í höfuðborginni.

„Frá 1. nóvember hafa 165 komið í einangrun til okkar,“ segir Gylfi og ítrekar það sem áður hefur komið fram; í farsóttarhúsum dvelur nú eingöngu fólk í eingrun sem hefur smitast af Covid.

Hælisleitendum sem þurfa í fimm daga sóttkví við komuna til landsins er vísað annað en þeir geta ekki lengur dvalið í húsunum, sökum plássleysis. Gylfi bendir á að Útlendingastofnun sjái nú um sóttkví þeirra.

Gylfi segir Sjúkratryggingar Íslands og heilbrigðisráðuneytið vinna að því að opna annað farsóttarhús og býst við því að það mál verði klárt síðar í dag eða í fyrramálið.

„Við erum fyrstu varðmenn Landspítalans. Stór hluti gesta hjá okkur yrði annars innlagður á spítalann. Eins og alþjóð veit ræður spítalinn ekki við það.“

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt