Guðmundur Ingi Guðbrandsson, umhverfis- og auðlindaráðherra, átti í dag fund með Pete Buttigieg, samgönguráðherra Bandaríkjanna, á COP26 loftslagsráðstefnunni sem haldin er í Glasgow.

Guðmundir Ingi deildi myndum af fundi þeirra tveggja á Facebook síðu sinni þar sem hann greinir frá því að þeir hafi rætt um rafbílavæðingu.

Í færslunni segir Guðmundur að þeir eigi það sameiginlegt að vera fyrstu karlkyns ráðherrar landa sinna sem eru opinberlega samkynhneigðir.

Þá segist Guðmundur hafa verið „pínku starstruck“ er hann hitti Buttigieg en hann var meðal þeirra sem sóttust eftir útnefningu Demókrataflokksins í bandarísku forsetakosningunum á síðasta ári.

Buttigieg var tilnefndur sem samgönguráðherra 38 ára að aldri og er yngsti ríkisstjórnarmeðlimurinn í stjórn Joes Biden Bandaríkjaforseta ásamt því að vera sá yngsti sem hefur gengt starfi samgönguráðherra í Bandaríkjunum.

Tengdar fréttir

Loftslagsráðstefnan COP26

Loftslagsfundur Festu og Reykjavíkurborgar

• Súrsæt niðurstaða COP26
• Aðild að bandalagi gegn olíuvinnslu verið rædd
• Uppþot á blaðamannafundi: „COP26 misheppnaðist“
• Indland og Kína þurfi að svara fyrir sig

» Fleiri tengdar fréttir

• Blogga um frétt