Fróaði sér fyrir utan glugga á sólbaðsstofu

Landsréttur hefur staðfest tveggja mánaða dóm yfir karlmanni fyrir kynferðisbrot með því að hafa sært blygðunarkennd stúlku sem afgreiddi hann á sólbaðsstofu. Eftir ljósatíma hóf hann að fróa sér fyrir utan sólbaðsstofuna.

Maðurinn mætti á sólbaðsstofuna í júlí árið 2019 og fór í ljós. Eftir tímann fór hann fyrir utan stofuna og hóf athæfi sitt þar sem hann stóð fyrir utan glugga sólbaðsstofunar, við hliðina á afgreiðsluborðinu og horfði beint á afgreiðslustúlkuna. Handlék hann kynfæri sín á sama tíma.

Frétt af mbl.is

Fróaði sér á sólbaðsstofu

Sagðist aðeins hafa verið að klóra sér og limurinn farið út

Myndbandsupptaka náðist af athæfi mannsins og viðurkenndi maðurinn í héraðsdómi að hafa handfjalað kynfæri sín í umrætt sinn, en gaf þær skýringar að hann hefði verið að klóra sér og við það hafi getnaðarlimur hans farið út úr buxnaklaufinni í skamma stund.

Í héraðsdómi bar maðurinn fyrir sér að hann væri með húðsjúk­dóm sem hann héldi í skefj­um með reglu­leg­um ljósa­bekkja­tím­um. Hann hafi því verið „sveitt­ur og klístraður“ og þess vegna hagrætt pungn­um á sér fyr­ir utan ljósa­bekkja­stof­una. Ætl­un­in hafi ekki verið að særa blygðun­ar­kennd neins.

Af upptökunum af vettvangi má sjá manninn snerta lim sinn og bera hann og að hann hafi viðhaft sjálfsfróunarhreyfingar fyrir framan gólfsíðan glugga sólbaðsstofunnar.

Stúlkan sagðist fyrst hafa haldið að maðurinn væri að klóra sér, en svo hafi henni orðið ljóst af handahreyfingum hans að hann væri að fróa sér. Svo þegar hann beraði á sér getnaðarlim­inn hringdi stúlk­an á lög­regl­una. 

Fyrir Landsrétti gaf maðurinn þá skýringu að hann hefði á þessum tíma verið í slæmum félagsskap og átt við áfengisvandamál að etja. Nú hefði hann hins vegar snúið lífi sínu til betri vegar og hætt neyslu áfengis.

Taldi Landsréttur ekki ástæðu til að breyta dómi héraðsdóms og var manninum til viðbótar gert að greiða 733 þúsund krónur í áfrýjunarkostnað.

• Blogga um frétt