Innlent | mbl | 12.11.2021 | 14:00

Keyrt á sama kerfi þrátt fyrir bólusetningu

Þórdís Kolbrún Reykfjörð Gylfadóttir ásamta Bjarna Benediktssyni að loknum ríkisstjórnarfundi. mbl.is/Eggert Jóhannesson

Þórdís Kolbrún Reykfjörð Gylfadóttir, ferðamála- iðnaðar- og nýsköpunarráðherra, segist vilja skoða það hvort hægt sé að létta á álagi í heilbrigðiskerfinu með því að gera breytingar á smitrakningu og sóttkví og líta til annarra landa í þeim efnum.

Frétt af mbl.is

50 manns mega koma saman

Hvað varðar hertar aðgerðir nú segir hún engan vera að leggja þetta til að gamni sínu.

„Þetta eru tillögur sóttvarnarlæknis um hvað þarf að gera til hægja á útbreiðslu og það þurfi að hægja á útbreiðslu til að fækka innlögnum á spítala, vegna þess að spítalinn sé í þannig stöðu og heilbrigðisráðherra fellst á þær tillögur. Enginn er að leggja þetta til að gamni sínu, eða af einhverri ánægju. Þetta er bara eins og það er.“

Eflaust enn langt í breytingar á landamærum

Hún segir að við hljótum að vilja leita allra leiða til að tryggja að samfélagið komist í eðlilegt horf og lifa með þeirri staðreynd að covid er líklega komið til að vera.

„Ég hef bent á það í nokkra mánuði að hluti af álagi, bæði á starfsfólk og kerfin okkar, stafa af því að við settum upp kerfi, bæði þegar kemur að framúrskarandi smitrakningu og sóttkví. Þetta voru lykilatriði í árangri okkar framan af. Við erum ennþá að keyra þessi kerfi í sama magni þrátt fyrir að við séum bólusett.“

Þórdís segir enga umræðu eða tillögur hafa verið um breyttar aðgerðir á landamærum, hún skynji umræðuna þannig að þetta snúist fyrst um frelsi hér innanlands áður en farið er í að ræða landamærin. „Ég er ekki endilega jafn sannfærð um það, en núna þegar við erum komin í þessa stöðu hér, þá held ég að það sé töluvert langt í að fólk sem er almennt að vinna þessar tillögur sé að leggja eitthvað slíkt til, þannig það var ekki til umræðu í dag.