Katrín Jakobsdóttir forsætisráðherra segir ríkisstjórnarflokkana stefna á að vera tilbúnir þegar niðurstöður undirbúningsnefndar kjörbréfanefndar liggur fyrir. Ríkisstjórnarmyndun hangir á því hvernig endanleg niðurstaða verður metin í kosningunum. 

Bjarni Benediktsson fjármálaráðherra sagði í byrjun síðustu viku að hann hefði trú á því að unnt væri að mynda ríkisstjórn í þessari viku. Katrín Jakobsdóttir staðfesti þetta einnig í samtali við mbl.is þá og sagði að viðræðum miðaði vel áfram. Átti þá enn eftir að ljúka nokkrum málum.

„Við erum langt komin með að smíða texta í stefnuyfirlýsingu og höfum verið að fara yfir ólík mál,“ sagði hún í samtali við mbl.is í dag.

Eru engin stór ágreiningsmál eftir?

„Auðvitað er það þannig að þetta eru ólíkir flokkar og það munu alltaf vera alls konar mál sem þarf að leysa. En ég tel að við séum búin að fara nokkuð vel yfir hvern einasta málaflokk, ræða þau mál sem við teljum að geti verið álitamál. Ég held að við séum búin að nýta tímann mjög vel í okkar samtölum.“

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• Blogga um frétt