Í dag liggja 19 sjúklingar með Covid-19 á Landspítala en í gær voru þeir 16. Þrír eru á gjörgæslu en enginn í öndunarvél. Þetta kemur fram í tilkynningu frá spítalanum.

14 eru á smitsjúkdómadeild og tveir á geðdeild. Í tilkynningu segir að fjórar innlagnir hafi verið í gær og séu nú 1.626 einstaklingar í eftirliti göngudeildar, þar af 396 börn.

26 starfsmenn Landspítalans eru í einangrun vegna Covid, 33 eru í sóttkví og 246 í vinnusóttkví. Ekki hafa greinst fleiri smit hjá sjúklingum eða starfsmönnum á heila-, tauga- og bæklunarskurðdeild og var deildin opnuð í gærkvöldi.

Áfram er ein geðdeild lokuð vegna smita en ekki hafa greinst fleiri í skimunum undanfarinna daga. Smit komu upp í Skaftahlíð og í lyfjaþjónustu og er rakningu þar lokið.

Landspítali er enn á hættustigi.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt