Stormur á öllu landinu í dag

Gular veðurviðvaranir verða í gildi frá hádegi í dag þar sem búist er við suðaustan stormi á öllu landinu.

Einnig er gert ráð fyrir úrkomu á sunnan- og vestanverðu landinu í dag en þurrara verður á norður og austurlandi.

Hiti verður á bilinu 5-10 stig á landinu hlýnar smám saman með deginum.

Samkvæmt veðurkorti á vef Veðurstofu Íslands má sjá að mestum vindhraða er spáð í Vestmannaeyjum, 21 m/s við Stórhöfða en en 13 m/s á höfuðborgarsvæðinu.

Stormurinn gengur á land suðaustantil um hádegi með tilheyrandi úrkomu á því svæði sem færist síðan yfir landið vestanvert og verður hvassast á Vesturlandi og Vestfjörðum upp undir kvöldmatarleytið.

Miðað við spár er gert ráð fyrir að versta veðrið verið gengið yfir snemma á morgun en víða verður ansi hvasst langt fram eftir nóttu.

Veðurvefur mbl.is

• Blogga um frétt