Kórónuveirusmit greindist hjá nemanda á miðstigi Breiðdals- og Stöðvarfjarðarskóla á Breiðdalsvík í gær. Vegna þessa munu allir nemendur skólans í 1.-6. bekk fara í sóttkví ásamt nokkrum starfsmönnum skólans.

Þetta kemur fram í tilkynningu frá Lögreglunni á Austurlandi.

Þar segir að aðrir nemendur skólans muni fara í smitgát. Þar að auki mun allt skólahald 1.-10. bekkjar falla niður á morgun, mánudag. Leikskólastarf skólans verður þó með eðlilegum hætti.

Í tilkynningu lögreglunnar segir einnig að eitt smit hafi greinst til viðbótar á Vopnafirði þar sem nýverið kom upp hópsmit. Viðkomandi var þó í sóttkví við greiningu og er því ekki talin þörf á frekari smitrakningu vegna smitsins.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt