„Það verður fróðlegt að sjá hvort þessi þróun heldur áfram og við sjáum fækkun í smitum, það væri óskandi,“ segir Þórólfur Guðnason sóttvarnalæknir við mbl.is. Um helgina greindust á bilinu 130 til rúmlega 150 daglega með kórónuveiruna og eru það heldur færri en greindust seinni hluta síðustu viku.

Í gær greindust 152 innanlands en alls er 1.691 í einangrun með virkt smit. Hertar samkomutakmarkanir tóku gildi á miðnætti á föstudag en nú mega eingöngu 50 koma saman.

Þórólfur segir að þrátt fyrir að smitum fækki nú verði að sjá að minnsta kosti viku af aðgerðum til að sjá hvort þær skili tilætluðum árangri.

Frétt af mbl.is

1.200 manns bólusettir fyrsta hálftímann

Auk aðgerða bindur Þórólfur einnig vonir við að að bólusetningarátak með örvunarskammti af bóluefni gegn Covid-19 skili árangri.

„Ég vona að fólk mæti og árangurinn verði eins og við vonumst til; að það verði enn betri vernd fyrir hvern og einn og einnig að örvunarskammturinn muni koma í veg fyrir útbreiðslu í samfélaginu sem tveir skammtar gera ekki alveg nógu vel.“

Fólk sem er 60 ára og eldri og þeir sem eru með und­ir­liggj­andi sjúk­dóma eru bólu­sett­ir fyrst og not­ast er við bólu­efni Pfizer. Bólu­sett verður næstu fjór­ar vik­urn­ar frá klukk­an 10 til 15 í Laug­ar­dals­höll á mánu­dög­um, þriðju­dög­um og miðviku­dög­um.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt