Nýtt greiðslukerfi og gjaldskrá

Strætisvagnar.
Strætisvagnar. mbl.is/Valli

KLAPP er nýtt greiðslu­kerfi fyr­ir Strætó á höfuðborg­ar­svæðinu og það verður form­lega inn­leitt á morg­un, 16. nóv­em­ber 2021. Sam­hliða kerf­inu verður inn­leidd ný gjald­skrá.

Fyr­ir­mynd kerf­is­ins er þekkt í al­menn­ings­sam­göng­um um all­an heim, þar sem kort eða farsími er sett­ur upp við skanna þegar far­gjald er greitt í vagn­in­um, að því er fram kem­ur í til­kynn­ingu.

Það eru 3 greiðslu­leiðir í Klapp­inu: KLAPP kort, KLAPP app og KLAPP tía. KLAPP kort er snjall­kort sem lagt er við skanna um borð í strætó til að greiða far­gjald. Með app­inu er snjallsími notaður til að kaupa staka miða eða kort og tían er pappa­spjald með kóða sem er skannaður.

Fram kem­ur að frá og með 1. mars 2022, verður ekki leng­ur hægt að greiða með farmiðum um borð í Strætó á höfuðborg­ar­svæðinu. Gef­inn verður frest­ur til 16. mars 2022 til þess að skipta öll­um göml­um farmiðum yfir í inn­eign í KLAPP greiðslu­kerf­inu.

Hand­haf­ar tíma­bil­skorta í gamla greiðslu­kerfi Strætó skulu leyfa gild­is­tíma kort­anna að renna út áður en skipt er yfir í KLAPP greiðslu­kerfið. 

mbl.is
Fleira áhugavert

Innlent »

Fleira áhugavert