Reyna að komast að niðurstöðu í vikunni
Inga Þóra Pálsdóttir
Setja bókamerki
„Þetta mjakast. Það líður að því að við förum að senda frá okkur einhverjar tillögur,“ segir Birgir Ármannsson, formaður undirbúningsnefndar fyrir rannsókn kjörbréfa, í samtali við mbl.is.
Í síðustu viku var greint frá því að í þriðju vettvangsferð nefndarinnar til Borgarness hefði komið í ljós að ákveðin frávik hefðu verið við flokkun kjörgagna.
Frávikin hafi ekki mikil áhrif
Birgir segir frávikin ekki hafa breytt heildarmyndinni en nefndin hafi þurft að skoða hlutina betur.
„Það voru ákveðin frávik í flokkun en það var ekki eitthvað sem breytti heildarmyndinni miðað við niðurstöðu síðari talningar. Það út af fyrir sig hefur ekki mjög mikil áhrif en af því að það komu fram ákveðin frávik þá þurftum við að skoða hlutina betur.“
Byrjuð að ræða niðurstöðuna
Nefndin stefnir að því að ljúka vinnu sinni í vikunni og reynir nú að komast að niðurstöðu.
„Við stefnum að því að ljúka vinnu okkar í þessari viku. Þetta ræðst af því hvað það tekur langan tíma að ræða sig niður á niðurstöðu.
Það hefur verið ágætis sátt með málsmeðferðina en það reynir á það þessa dagana hvort við náum saman um niðurstöðu. Fólk getur metið hlutina með mismunandi hætti og við erum núna að reyna að tala okkur saman niður á niðurstöðu.“
Náðun stuðningsmanna Trumps vekur ólík viðbrögð
Bendir hveitifyrirtæki á kærumöguleika
Gjöldum dembt á í blindni
Skotinn til bana við skyldustörf
Nýr gróðureldur blossar upp í Los Angeles
Ákærður fyrir tilraun til manndráps