Sagðist safna fyrir Landsbjörg og vakti grunsemdir

Lögreglunni á höfuðborgarsvæðinu barst tilkynning um grunsamlegar mannaferðir í póstnúmeri 109 í kvöld. Mun maður hafa bankað upp á í hverfinu, sagst vera að safna fyrir Slysavarnafélagið Landsbjörg og beðið um bankaupplýsingar.

Lögreglan kveðst í tilkynningu ekki hafa frekari upplýsingar um málið að sinni.

Fyrr á þessu ári kom upp mál af svipuðum toga. Reyndist viðkomandi þá í raun og veru á vegum Landsbjargar.

Frétt af mbl.is

Mál „dulbúins“ björgunarsveitarmanns leyst

Breyttir verkferlar

„Við ætl­um að breyta verk­ferl­un­um hjá okk­ur og leggja okk­ur meira fram við að upp­lýsa al­menn­ing um að við séum á ferðinni til að koma í veg fyr­ir að svona mis­skiln­ing­ur verði aft­ur,“ sagði upplýsingafulltrúi Landsbjargar í samtali við mbl.is við það tækifæri.

• Blogga um frétt