Fer fram á þyngri refsingu
Setja bókamerki
Ríkissaksóknari hefur áfrýjað niðurstöðu Héraðsdóms Reykjavíkur í Rauðagerðismálinu svokallaða til Landsréttar, en þess er krafist að refsing yfir Angjelin Sterkaj verði þyngd. Ennfremur er þess krafist að aðrir í málinu verði sakfelldir.
Þetta staðfestir Sigríður Friðjónsdóttir ríkissaksóknari við mbl.is.
Sterkaj hlaut 16 ára fangelsi fyrir morðið á Armando Beqirai en þau Sheptim Qerimi, Claudia Sofia Coelho Carvalho og Murat Selivrada voru sýknuð af kröfum ákæruvaldsins.
Málið allt var mjög umfangsmikið og tók aðalmeðferð þess fyrir héraðsdómi talsverðan tíma. Lögregluskýrsla um málið taldi um 2.000 blaðsíður og vitnin sem komu fyrir dómara við aðalmeðferðina skiptu tugum.
Angjelin Sterkaj var eini sakborningurinn sem hafði þegar játað að hafa orðið Armando Beqirai að bana þann 13. febrúar síðastliðinn að heimili þess síðarnefnda í Rauðagerði. Angjelin segir að morðið á Armando hafi verið nauðvörn.
Shpetim Qerimi var ákærður fyrir að hafa tekið þátt í morðinu með því að aka Angjelin á vettvang glæpsins og svo til baka þaðan um leið og hann hafði verið framinn. Við aðalmeðferð málsins kom fram að það hafi liðið minna en mínúta frá því að Angjelin og Shpetim komu í Rauðagerði og þar til þeir voru farnir þaðan aftur.
Claudiu Sofiu Coelho Carvalho var gefið að sök að hafa bent Angjelin á hvenær bíll Armandos keyrði af stað í átt að Rauðagerði, til þess að Angjelin gæti vitað hvenær hann ætti að láta til skarar skríða.
Murat Selivrada var gefið að sök að hafa bent Claudiu á hvaða bíl hún ætti að fylgjast með. Þannig hafi hann tekið þátt í morðinu á Armando, sem hann segir hafa verið náinn vin sinn. Við upphaf aðalmeðferðar fyrir rúmum mánuði sagðist Murat eyðilagður vegna málsins.
Hótar Bretum og Bandaríkjamönnum
Drónamyndskeið frá hápunkti gossins í nótt
Mæðgur dæmdar til að greiða 64 milljónir
Líklega komin á seinni hluta hrinunnar í Svartsengi
„Erum í miðri hrinu“: Styttist í Eldvörp
Börn hafi engan rétt á leikskólakennslu
„Má segja að þetta gos hafi þjófstartað“