Vegna fjölda starfsmanna sem eru í sóttkví á Landspítalanum bráðvantar ljósmæður í bakvarðasveit í heilbrigðisþjónustu. 

Þetta kemur fram á vef Landspítalans.

Leitað er til heilbrigðisstarfsfólks til að mynda bakvarðasveit til tímabundinnar aðstoðar í heilbrigðiskerfinu.

Samkvæmt tölfræðivef spítalans eru 23 starfsmenn hans nú í einangrun vegna Covid-19 og 260 í sóttkví A og vinnusóttkví. 

Óskað er eftir liðsinni úr hópi allra sem starfa við heilbrigðisþjónustu, svo sem lækna, hjúkrunarfræðinga, félagsráðgjafa, geislafræðinga, heilbrigðisgagnafræðinga, lífeindafræðinga, lyfjafræðinga, lyfjatækna, ljósmæðra, náttúrufræðinga í heilbrigðisþjónustu, sjúkraflutningamanna, sjúkraliða, sjúkraþjálfara og tannlækna, sem eru reiðubúin að koma tímabundið til starfa í heilbrigðisþjónustunni með skömmum fyrirvara.

Nemar í læknisfræði, hjúkrunarfræði og sjúkraliðanum geta einnig skráð sig á lista bakvarðasveitarinnar.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt