Hljóta styrk til að glæða skammdegið lífi

18 verkefni hlutu í dag styrk frá Miðborgarsjóði Reykjavíkurborgar og er markmiðið að glæða skammdegið lífi. Lifandi tónlist, hjólreiðar og myndlist er meðal verkefnanna sem eru styrkt í ár en í ár dreifist dagskráin meira og verður á Granda auk miðborgarinnar. Þetta segir í tilkynningu frá borginni.

Þetta mun vera í fimmta sinn sem úthlutað er úr Miðborgarsjóði og eru að jafnaði 11 til 16 verkefni styrkt á ári hverju að árinu í fyrra undanskildu þar sem þau voru fleiri, alls 32 talsins, sökum faraldursins.

Frétt af mbl.is

Gluggatónleikar í tómri minjagripabúð

Úthlutanirnar í ár nema 10 milljónum króna en samkvæmt fjárhagsáætlun voru 20 milljónir í sjóðnum. Hinar 10 milljónirnar fóru til úthlutunar í viðburðapott Sumarborgarinnar í júní, að því er segir í tilkynningunni. Þá eru áherslur ársins 2021 sagðar vera verslun og þjónusta, markaðsmál og er sérstaklega horft til verkefna með grænar áherslur.

Verkefnin í heild sinni eru hér fyrir neðan:

• Farandtónleikar á WindWorks tónlistarhátíðinni 100.000
• Tónleikadagskrá í 12 Tónum 150.000
• Fjölómatónlistarhátíð - Surround music festival 200.000
• Á Laugavegi - Hver er miðborgin okkar? 240.000
• Laugardagshjólreiðar frá Hlemmi í allan vetur og samvinna við Borgarbókasafnið um Hjólabókina 250.000
• Milli jóla og páska 300.000
• JólaGrandinn 300.000
• Ungir listamenn á aðventu 300.000
• Aðventutónleikar í verslunum okkar 360.000
• Lifandi tónlist í Petersen svítunni 400.000
• The Creative Space of Jóhann Jóhannsson – Opin vinnustofa 500.000
• Hringekjan Live Sessions 600.000
• Óperudagar 101 600.000
• MENGI LIFI REYKJAVÍK - fyrirlestraröð í MENGI 600.000
• Myndlistarsýningar í tónlistarhúsinu Hörpu 800.000
• Fjölbreytt dagskrá á Granda 800.000
• Menningarstarf Skuggabaldurs 1.500.000
• Tónleikarýmið R6013 býður upp á fjölbreytta viðburðadagskrá fyrir alla aldurshópa 2.000.000

• Blogga um frétt