Sigríður hnýtir í Herra Hnetusmjör
Setja bókamerki
Sigríður Á. Andersen, fráfarandi þingmaður Sjálfstæðisflokksins, gagnrýnir tónlistarmanninn Herra Hnetusmjör fyrir að ferðast út fyrir landsteinana nú þegar Ísland er nýlega orðið dökkrautt á korti Sóttvarnastofnunar Evrópu.
Af ummælum Sigríðar á Twitter að dæmi þykir henni ferðalagið heldur hræsnaralegt miðað við yfirlýsingar rapparans um hertari sóttvarnaaðgerðir við landamæri Íslands fyrr á árinu.
„Altso... Er þetta maðurinn sem vildi loka landamærum Íslands með ofbeldi? Fer núna úr eldrauðu Íslandi og hittir kannski fólk frá löndum þar sem nýgengi smita er mjög lágt,“ segir í tísti Sigríðar.
Njóta lífsins í Lundúnum
Sigríður birti frétt af mbl.is með tístinu þar sem greint er frá því að Árni Páll Árnason, betur þekktur sem Herra Hnetusmjör, sé staddur í Lundúnum ásamt kærustu sinni Söru Linneth Castañeda.
Þar eru þau sögð njóta lífsins í foreldrafríi en þau eiga von á öðru barni innan skamms.
Ætlaði að loka veginum
Vakti þetta furðu Sigríðar í ljósi yfirlýsinga rapparans fyrr á árinu varðandi aðgerðir við landamærin. Hafði hann meðal annars boðað til mótmæla við Keflavíkurflugvöll en hann vildi herða reglur um komu ferðamanna til landsins til að koma í veg fyrir að frekari smit myndu berast hingað að utan.
„Við stefnum á að loka veginum frá hringtorginu af Keflavíkurflugvelli á sunnudaginn. Það er af því að við erum komin með nóg. Dropinn sem fyllti mælinn eru öll þessi börn á leikskólaaldri sem eru smituð af því einhver fáviti vildi ekki fara í sóttkví,“ sagði hann við það tilefni.
Ekkert varð þó af mótmælunum en rétt áður en þau áttu að fara fram var lagafrumvarp samþykkt á Alþingi sem heimilaði ráðherrum að skylda fólk frá áhættusvæðum til dvalar á sóttkvíarhótel.
Hjúkrunarfræðingar skrifa undir kjarasamning
/frimg/1/50/98/1509812.jpg)
Aukin tíðni strætóferða fyrir fleiri íbúa
Frestar skerðingum fyrir norðan og austan
Illviðri gengur yfir landið í dag
Fresta framkvæmdum við Landspítala
Klúr skrif beindust einnig gegn börnum
Óvissustigi á Vestfjörðum aflýst