Alþingi verður sett næstkomandi þriðjudag og verða gestir við þingsetninguna örfáir líkt og 2020 vegna sóttvarnaráðstafana. Það eru síðan tilmæli til allra viðstaddra að fara í hraðpróf til að skima fyrir kórónuveirusmiti en það hefur ekki gerst áður í þingsögunni, að því er fram kemur í Morgunblaðinu í dag.

Þetta fyrirkomulag er samkvæmt ráðleggingum embættis sóttvarnalæknis og almannavarna, að sögn Rögnu Árnadóttur, skrifstofustjóra Alþingis.

„Við höfum verið í góðri samvinnu og samráði allan faraldurinn en markmiðið er alltaf að halda Alþingi starfhæfu og að koma í veg fyrir með öllum ráðum að hópar þingmanna smitist eða fari í sóttkví,“ segir Ragna.

Tengdar fréttir

Alþingi

Beint: Bjarni tilkynnir um þingrof og kosningar

• Lilja aðstoðar Þórdísi
• „En sagan er auðvitað lengri en þetta“
• Segir stjórnarslit ekki hafa legið í loftinu
• „Stjórnarkreppa í Íslandi“

» Fleiri tengdar fréttir