Funda með landlækni vegna lögreglurannsóknar

Stjórnendur Landspítalans munu funda með landlækni í dag um nýjustu upplýsingar sem hafa komið fram vegna lögreglurannsóknar á andláti sex einstaklinga á Heilbrigðisstofnun Suðurnesja.

Eftir það verður staðan metin, að sögn Andra Ólafssonar, samskiptastjóra Landspítala.

Frétt af mbl.is

Lögreglan rannsakar andlát 6 einstaklinga á HSS

Hann bætir við að upplýsingarnar sem komu fram í gær hafi verið nýjar fyrir stjórnendur spítalans.

Fram kom í gær að lögreglan rannsaki einnig meðferð fimm annarra sjúk­linga sem rök­studd­ur grun­ur er um að hafi verið skráðir í lífs­lokameðferð að til­efn­is­lausu og með því hafi ör­yggi þeirra verið ógnað.

Í samtali við RÚV í gær sagðist Alma Möller landlæknir ekki getað tjáð sig um einstaka mál en að óskað verði eftir frekari upplýsingum frá lögreglu í ljósi frétta dagsins.

Frétt af mbl.is

Þrír starfsmenn kærðir vegna meintrar vanrækslu

Læknirinn sem tengist málinu hætti hjá HSS eftir að rannsókn hófst en síðan þá hefur hann starfað hjá Landspítalanum.

• Blogga um frétt