Íshellan sigið um næstum þrjá metra
Setja bókamerki
Íshellan yfir Grímsvötnum hefur sigið um tæpa 2,9 metra. Engin breyting hefur verið á rafleiðni í Gígjukvísl en örlítil hækkun hefur verið í ánni.
Ekkert jökulhlaup er hafið en vel er fylgst með gangi mála, að sögn Lovísu Mjallar Guðmundsdóttur, náttúruvársérfræðings hjá Veðurstofu Íslands.
Vísindamenn frá Háskóla Íslands fóru í vettvangsferð í gær til að berja ís af möstrum sem eru á svæðinu til að koma í veg fyrir að GPS-stöðvar detti út þannig að öll gögn berist örugglega í hús.
Staðan í Grímsvötnum verður tekin fyrir á samráðsfundum hjá Veðurstofunni í dag en enginn fundur er fyrirhugaður hjá vísindaráði fyrr en eftir helgi.
Spurð út í skjálfta upp á 2,7 sem mældist í nágrenni Eiríksjökuls klukkan tvö í nótt segir Lovísa ekkert óeðlilegt þar á ferð og bætir við að sex skjálftar hafi verið á svæðinu í nótt.
Óásættanlega langur tími
Þyngra en tárum taki
Ísland mun styðja við uppbyggingu í lok stríðs
Hleypt úr fangelsum til að berjast við eldana
Trump sekur án refsingar
Bregðast við: Framtíð Grænlands „ræðst í Nuuk“