Þjóðgarður á hálendi í allt annarri mynd
Setja bókamerki
Í stjórnarsáttmála nýrrar ríkisstjórnar VG, Framsóknar og Sjálfstæðisflokks er lagt til að þjóðgarður verði stofnaður á hálendi Íslands í töluvert breyttri mynd en ætlunin var á síðasta kjörtímabili.
„Stofnaður verður þjóðgarður á þegar friðlýstum svæðum og jöklum á þjóðlendum á hálendinu með breytingu á lögum um Vatnajökulsþjóðgarð. Áhersla verður lögð á samtal og samvinnu við heimamenn og svæðisráðum fjölgað,“ segir í sáttmálanum í kaflanum Orkumál og náttúruvernd.
Fellur í skaut fráfarandi utanríkisráðherra
Guðlaugur Þór Þórðarson mun færa sig úr utanríkiráðuneytingu og í umhverfis-, loftslags- og orkumálaráðuneytið en Guðmundur Ingi Guðbrandsson mun færa sig þaðan og í ráðuneyti félags- og vinnumála.
Með þessari breytingu virðist því fallið frá fyrirætlunum um hálendisþjóðgarðinn á miðhálendinu en mikil undirbúningsvinna átti sér stað á síðasta kjörtímabili vegna þess en hann var í stjórnarsáttmála þess kjörtímabils.
Átti að þekja 85% hálendisins
Þverpólitísk nefnd var sett á fót um stofnun þjóðgarðsins af Guðmundi þáverandi umhverfis- og auðlindaráðherra árið 2018 sem skilaði niðurstöðum í lok árs 2019. Þar var gert ráð fyrir því að 85% af miðhálendinu myndi falla innan marka þjóðgarðsins.
Formaðurinn útilokar ekki undirritun í kvöld
„Við vöknuðum við hljóð frá sprengingum“
Börnin eiga að ýta við foreldrum sínum
Dæla, kæla og verja mikilvæg mannvirki
Hvatti kjósendur til þess að greiða ógild atkvæði
Vonir bundnar við morgundaginn