Tekjur ríkissjóðs munu nema 955,4 milljörðum á næsta ári samkvæmt nýju fjárlagafrumvarpi sem Bjarni Benediktsson fjármálaráðherra kynnti í morgun. Áfram er þó gert ráð fyrir miklum halla ríkissjóðs, eða um 169 milljarða, en það er engu að síður bætt afkoma um 119 milljarða miðað við afkomuspá frá í fyrra.

Í kynningu sinni fór Bjarni yfir hvernig spá ráðuneytisins hefði breyst frá því í október í fyrra og benti á að á þeim tímapunkti hefði meðal annars ekki verið vitað fyrir víst hvort Íslendingar gætu fengið bóluefni á árinu 2021.

Frétt af mbl.is

Spá 5,3% hagvexti í nýju fjárlagafrumvarpi

Kom fram að miðað við áætlunina á síðasta ári þá hafi landsframleiðsla orðið 40 milljörðum hærri árið 2020 og spáð væri 40 milljarða hærri landsframleiðslu á þessu ári. Þá væri gert ráð fyrir 110 milljarða hærri landsframleiðslu á næsta ári en spáð var í fyrra.

Gert er ráð fyrir að stuðningur hins opinbera vegna faraldursins verði um 50 milljarðar á næsta ári og verði þá samtals 260 milljarðar árin 2020-2022.

Sagði Bjarni að niðurstaðan væri mun hagstæðari en gert hafði verið ráð fyrir. Benti hann á nokkrar sviðsmyndir sem hefðu verið settar fram í fyrra og að staðan núna væri umfram björtustu væntingar. „Erum að fara vel fram úr björtustu sviðsmynd,“ sagði hann um nýjustu spá ráðuneytisins.

Tengdar fréttir

Fjárlög 2022

Heildartekjur hækka um 178 milljarða

• Framlög til hjúkrunarheimila aukin um 2,2 milljarða
• Hallinn verði 9,9 milljörðum meiri
• Tekjumódel Rúv ótengt öðrum miðlum
• Gagnrýna fjármálastefnu ríkisstjórnarinnar

» Fleiri tengdar fréttir

• Blogga um frétt