Knattspyrnulið Þróttar hóf æfingu í Laugardal í gær með því að ryðja völlinn svo að hægt væri að leika þar bolta með léttu móti. Snjó kyngdi niður í höfuðborginni í gær og urðu miklar umferðartafir vegna þeirra veðurskilyrða sem sköpuðust.
Fjöldi minniháttar árekstra varð í kjölfarið, samkvæmt upplýsingum frá umferðardeild lögreglunnar. Hún segir að enn séu fjölmargir bílar á sumardekkjum og það hafi átt stóran þátt í umferðartöfunum.
Minnkandi ofankomu er spáð á höfuðborgarsvæðinu í dag, með hita um eða undir frostmarki.