Vatn hefur seytlað smátt og smátt í Gígjukvísl í gærdag og nótt og vatnshæð þar hefur hækkað um metra frá síðustu viku. Sig íshellunnar í Grímsvötnum heldur enn fremur áfram og er nú orðið tíu metr­ar frá því að Veður­stofa Íslands fór að fylgj­ast með stöðu mála. 

Þetta segir Einar Hjörleifsson, náttúruvársérfræðingur á Veðurstofu Íslands, í samtali við mbl.is.

„Við teljum að þetta muni aukast jafnt og þétt næstu daga.“

Sig íshellunnar í Grímsvötnum virðist heldur vera að hraða sér en Einar telur að hún lækki um þrjá til fjóra metra á sólarhring.

Frétt af mbl.is

Íshellan sigið um sjö metra

Samkvæmt spálíkani jöklahóps Jarðvísindastofnunar Háskóla Íslands er gert ráð fyrir því að rennslistoppi úr Grímsvötnum verði náð á sunnudag.

„Þetta verður hægur atburður og raunvísindastofnun Háskóla Íslands gerir ráð fyrir því að hlaup muni ná hámarki á sunnudaginn og við fylgjumst áfram með þróuninni. Þá verði hámarksrennsli svona 4.000 rúmmetrar á sekúndu,“ segir Einar.

Líkur hafa verið taldar á eldgosi í kjölfar hlaups en engin merki hafa sést um slíkt. Einar segir þó ekki hægt að útiloka það:

„Það verður rosalegur þrýstingsléttir þegar allt þetta vatn hleypur fram og þetta er sviðsmynd sem við höfum í hug og fylgjumst vel með öllum mælum.“

Tengdar fréttir

Hlaup úr Grímsvötnum

Ekkert bendir til goss eftir hlaupið

• Hlaupvatnið sem risastór kúla
• Litakóðinn aftur orðinn gulur
• Smáskjálftar við Grímsvötn
• Engin merki um kvikuinnskot

» Fleiri tengdar fréttir

• Blogga um frétt