Smitaður af Ómíkron á Landspítala
Setja bókamerki
Sjúklingur á Landspítalanum hefur greinst með Ómíkron-afbrigði kórónuveirunnar.
Þetta staðfestir Már Kristjánsson, yfirlæknir smitsjúkdómadeildar Landspítala, í samtali við mbl.is.
Sá grunur, sem mbl.is greindi fyrst frá fyrr í kvöld, hefur því verið staðfestur.
Smitaðist ekki erlendis
Már segist ekki hafa „græna glóru“ um hvernig sjúklingurinn hafi smitast af afbrigðinu en hann hafi ekki smitast erlendis.
Sjúklingurinn hafi lagst inn á spítalann vegna veikinda af völdum kórónuveirunnar og að hann hafi í kjölfarið greinst með Ómíkron-afbrigðið í kvöld.
Már segir að sjúklingurinn hafi hefðbundin einkenni.
Veikindi gætu verið vægari
Hversu vel bóluefni duga gegn Ómíkron-afbrigðinu er enn á huldu. Búast má við niðurstöðum rannsókna um það á næstu dögum.
Afbrigðið var fyrst uppgötvað í Suður-Afríku en þarf þó ekki endilega að hafa orðið til þar. Suðurafrískir læknar hafa sagt að svo virðist sem veikindi af völdum afbrigðisins séu vægari en af öðrum afbrigðum.
Forstjóri bendir á ábyrgð birgja vegna verðhækkana
Skattamál verði líklega „þeirra mesta klemma“
Bjarni: „Útilokað að þetta geti gengið upp“
Víkingar komnir yfir 800 milljónir í greiðslur
Fyrsti blaðamannafundurinn í heild sinni
Alvarleg netárás á Wise
„Mér finnst gamla Samfylkingin komin aftur“
Ók á hóp fólks á jólamarkaði: Einn látinn
