Hafa óskað eftir flutningi frá Sælukoti
Unnur Freyja Víðisdóttir
Setja bókamerki
Máli leikskólans Sælukots í Reykjavík er ekki lokið og heyrst hefur að nokkrir foreldrar hafi óskað eftir því að börn þeirra verði færð yfir á aðra leikskóla. Þetta segir Helgi Grímsson, sviðsstjóri skóla- og frístundasviðs Reykjavíkurborgar, í samtali við mbl.is.
Hyggjast gera vettvangsathugun á leikskólanum
„Við lögðum könnun fyrir foreldra og starfsfólk leikskólans í þarseinustu viku og hún leiddi í ljós nokkur atriði sem við viljum fara betur ofan í.“
Inntur eftir því segist Helgi ekki tilbúinn að greina frá því hvaða atriði það eru. Þau varði þó athugasemdir sem foreldrar og starfsfólk gerði við skólastarfið í könnuninni.
„Við erum að vinna í greinagerð út frá þessum athugasemdum sem hafa þegar komið fram og okkur þykir leikskólinn eiga að fá tækifæri til þess að bregðast við þeim áður en við förum að greina frá því hverjar athugasemdirnar voru. Svo eru önnur atriði sem við viljum fara betur ofan í með vettvangsathugun.“
Spurður segist Helgi hafa heyrt af því að einhverjir foreldrar hafi óskað eftir flutningi barna sinna af Sælukoti yfir á aðra leikskóla vegna málsins. Hann geti þó ekki fullyrt um það.
„Málið er að skráningin fer ekki í gegnum okkur svo að við vitum ekki fjöldann. Sjálfstætt starfandi leikskólar hafa nefnilega töluvert sjálfstæði þannig við höfum ekki sama aðgengi að upplýsingum hjá þeim eins og hjá þeim leikskólum sem reknir eru af borginni.“
Litlar líkur á að hraunið nái til mannvirkja
Fullvissa ferðamenn um að hér sé öruggt
Hótar Bretum og Bandaríkjamönnum
Hraun kemur úr þremur gígum: Virknin stöðug
„Má segja að þetta gos hafi þjófstartað“
/frimg/1/53/8/1530844.jpg)
Myndir: Náttúrulegur þröskuldur að taka við
Yfir 300 stæði fóru undir hraun