Innlent | mbl | 5.12.2021 | 11:25

Íshellan sigið rúma 70 metra

Af Grímsvötnum. Ljósmynd/Landhelgisgæslan

Nýjustu mælingar benda til þess að íshellan í Grímsvötnum hafi sigið um rúmlega 70 metra frá frá því fyrst fór að bera á sigi en það er 20 metrum meira en í gærkvöldi.

Hulda Rós Helgadóttir náttúruvársérfræðingur á Veðurstofu Íslands gerir ráð fyrir því að hlaupið í Gígjukvísl nái hámarki í dag. „Það er spáin allavega,“ segir Hulda í samtali við mbl.is

Frétt af mbl.is

Íshellan sigið um 50 metra

Tölur um rennsli muni liggja fyrir eftir hádegi

Mælingar á rennsli í Gígjukvísl standa nú yfir en sú vinna mun taka nokkurn tíma. Hulda gerir ráð fyrir að tölur úr þeim mælingum muni liggja fyrir eftir hádegi í dag.

Jarðfræðingar urðu fyrst varir við að íshellan í Grímsvötnum væri farin að síga 24. nóvember og hafa verið í viðbragðsstöðu vegna goss síðan þá.

Jarðfræðingurinn Ari Trausti Guðmundsson sagði í viðtalsþættinum Sprengisandi í dag að eldgos í Grímsvötnum sé „í spilunum“ þar sem eldstöðin sé orðin „ófrísk“. Síðast gaust í Grímsvötnum árið 2011.

Hulda segir líkurnar á gosi ekki hafa breyst frá því í gær. „Það er bara svipað og áður.“