Ekki eru sömu teikn á lofti og áður um að eldgos verði í Grímsvötnum. Nokkrir smáskjálftar urðu á svæðinu í gærkvöldi og í nótt og var sá stærsti í nótt undir einum að stærð. Í gærmorgun mældist stærsti skjálftinn aftur á móti 3.

Frétt af mbl.is

Aukin jarðskjálftavirkni við Grímsvötn

Að sögn Böðvars Sveinssonar, náttúruvársérfræðings hjá Veðurstofu Íslands, er enginn gosórói og hlaupið úr Grímsvötnum fer minnkandi en íshellan fór niður fyrir 78 metra í gær.

Rennslið í Gígjukvísl mældist í gær 1.100 rúmmetrar á sekúndu og hafði það minnkað mjög mikið á einum sólarhring. Nýjar tölur varðandi rennslið eru ekki væntanlegar.

Eins og áður verður haldinn samráðsfundur í dag þar sem farið verður yfir stöðu mála.

Tengdar fréttir

Hlaup úr Grímsvötnum

Ekkert bendir til goss eftir hlaupið

• Hlaupvatnið sem risastór kúla
• Litakóðinn aftur orðinn gulur
• Engin merki um kvikuinnskot
• „Þurfum að vera á varðbergi“

» Fleiri tengdar fréttir

• Blogga um frétt