Byrjað að lækka hraðann á götum borgarinnar

Fyrsti áfangi nýrrar hámarkshraðaáætlunar Reykjavíkurborgar er að koma til framkvæmda um þessar mundir. Endurmerkingar á skiltum og uppsetning nýtta skilta stendur yfir og taka merkingarnar gildi jafnóðum og þær koma upp.

Hámarkshraðaáætlunin var staðfest í vor og er markmið áætlunarinnar að stuðla að bættu umferðaröryggi í borginni til að koma í veg fyrir alvarleg slys á fólki í umferðinni. Töldu borgaryfirvöld lækkun umferðarhraða nauðsyn til þess að ná áðurnefndu markmiði.

Í tilkynningu frá borginni segir að í þessum breytingum sé lögð áhersla á götur við leiðir barna til og frá skóla eða frístundum. Einnig sé lögð áhersla á götur þar sem er mikill fjöldi gangandi vegfarenda.

Eftirfarandi götur verða þá með hámarkshraðann 40 km/klst. eftir breytingar.

• Snorrabraut, milli Burknagötu og Grettisgötu.
• Fjallkonuvegur, milli Gullinbrúar og Frostafoldar.
• Fjallkonuvegur, milli Jöklafoldar og Hallsvegar.

Eftirfarandi götur verða svo með hámarkshraðann 30 km/klst. eftir breytingar

• Snorrabraut, milli Grettisgötu og Sæbrautar.
• Borgartún, milli Snorrabrautar og Katrínartúns.
• Nóatún, milli Laugavegs og Borgartúns.
• Engjateigur.
• Langholtsvegur, milli Skeiðarvogs og Sæbrautar.
• Álfheimar.
• Holtavegur, milli Langholtsvegs og Sæbrautar.
• Stjörnugróf.
• Seljaskógar, milli Grófarsels og Hjallasels.
• Bæjarbraut.
• Rofabær, milli Hraunbæjar og þrengingar austan Brúaráss.
• Bjallavað.
• Ferjuvað.
• Völundarhús, milli Suðurhúsa og Gagnvegs til vesturs.
• Langirimi, milli Hallsvegar og Flétturima.
• Mosavegur/Spöngin, milli Móavegar og Skólavegar.
• Vegur norðan við Rauðavatn ásamt vegtengingu við Hádegismóa, merkt II gata og Aðalbraut

Hér má sjá göturnar á korti. 

• Blogga um frétt