Fyrirlestri frestað í skugga ásakana um ritstuld
Setja bókamerki
Fyrirlestri sem Ásgeir Jónsson seðlabankastjóri hugðist halda um efnahagsmál á landnámsöld hefur verið frestað. Þetta kemur fram á vef Miðaldastofu Háskóla Íslands.
Ástæðan fyrir frestuninni ekki tilgreind
Fyrirlesturinn átti að fara fram klukkan 16:10 í Lögbergi stofu 101 í dag. Tilefni fyrirlestursins er útgáfa nýrrar bókar Ásgeirs, Eyjan hans Ingólfs, sem fjallar um fjölskyldusögu Ingólfs landnámsmanns í Reykjavík. Í henni er efnahagslegur drifkraftur landnáms í tengslum við breytingar í alþjóðaverslun á tímum víkingaferðanna reifaðar. Miðaldastofa Háskóla Íslands stendur fyrir viðburðinum.
Á vef Miðaldastofu má þó sjá að fyrirlestrinum hafi verið frestað um ókominn tíma. Ekki er tilgreint hvers vegna ákveðið var að slá fyrirlestrinum á frest en ásakanir Bergsveins Birgissonar, rithöfundar og fræðimenns um ritstuld gætu átt þar hlut í máli.
Nýverið gaf Ásgeir út bókina Eyjan hans Ingólfs þar sem hann fjallar um landnám Íslands en rithöfundurinn Bergsveinn Birgisson sakar Ásgeir um að hafa byggt bókina á verki sínu, Leitin að svarta víkingnum, án þess að geta heimilda.
Vísar ásökunum Bergsveins alfarið á bug
Ásgeir vísaði þessum ásökunum alfarið á bug í stuttri yfirlýsingu þar sem hann segir m.a. marga sagnfræðinga hafa lýst upphafi landnáms sem veiðimannasamfélagi og að það sé hans viti orðið að viðurkenndri söguskoðun.
„Um þetta er fjallað í upphafi bókar minnar Eyjan hans Ingólfs og ég hef aldrei álitið að ég væri að leggja eitthvað nýtt í mörkum í því efni,“ segir hann í yfirlýsingunni.
Allt frá nokkrum tímum upp í viku í nýrri miðstöð
Greiningarmiðstöð hluti af 13 landamæraaðgerðum
Óvissustig á mörgum vegum
Var rétt komin ofan í sprunguna
110 milljónir í stöðu prófessors
Óvissustigi á Vestfjörðum aflýst
„Mjög bagalegt“ að klára ekki málið