Gagnrýnir ekki auka 420 milljónir til RÚV

Blaðamannafélag Íslands kveðst ekki gera athugasemd við það að framlög til Ríkisútvarpsins verði aukin um 420 milljónir króna, eins og kveðið er á um fjárlagafrumvarpi næsta árs.

Segist félagið fagna því að „auknu fé sé varið til fjölmiðla“, í tilkynningu sem send var út nú síðdegis.

Félagið tekur fram að þó sé gerð athugasemd við það, að styrkir til einkarekinna fjölmiðla skuli lækkaðir um 2%, eða um átta milljónir. Segist félagið hvetja þá sem sitja í fjárlaganefnd til að hækka þá styrki til samræmis við hækkun framlags til Ríkisútvarpsins, um 8%, eða 30 milljónir króna.

Aukningin meiri en styrkirnir

Umrædd aukning framlaga til ríkismiðilsins, upp á 420 milljónir, nemur meira fjármagni en varið er samanlagt til styrkja allra einkarekinna fjölmiðla á Íslandi.

Frá árinu 2018 og til loka árs 2020 fækkaði starfandi fólki í fjölmiðlum um 45 prósent, eða um 731 manns.

Umsögn félagsins við fjárlagafrumvarpið

• Blogga um frétt